वेद सभेच्या वतीने दि. २८ व २९ सप्टेंबर २०२४ रोजी अंत्यसंस्कार व श्राद्धविधी या विषयावर द्विदिवसीय परिसंवाद आयोजित केला होता. या परिसंवादात अंत्यसंस्काराचे आणि श्राद्धविधिचे महत्त्व त्यावेळी केले जाणारे विधी,श्राद्धाचे प्रकार इ. अनेक विषयांवर गरुड पुराण, श्राद्थमंजरी, ब्रह्मकर्म इ. ग्रंथाच्या आधारे विवेचन करण्यात आले. वेद सभेचे उपाध्यक्ष आणि श्री शृंगेरी शारदा पीठाचे महाराष्ट्र प्रांत प्रतिनिधी वे.मू. विवेकशास्त्री गोडबोले, सभेचे‌ पदवीधर स्मार्तचूडामणि वे. मू. दत्तात्रय जोशी, प्रसिद्ध याज्ञिक वे.मू. मंदार खळदकर यांनी या विषयांवर अभ्यासपूर्ण विवेचन केले. तसेच श्रोत्यांनी विचारलेल्या प्रश्नांना समर्पक उत्तरे दिली. या परिसंवादाला श्रोत्यांनी उत्तम प्रतिसाद दिला.
सभेच्या कार्यवाह श्रद्धा परांजपे यांनी सदर परिसंवादाचे सूत्रसंचालन केले.